Регулятор асосий ставка бўйича қарорида валюта бозори ва валюта курси омилларига тўхталмаган Марказий банк бошқаруви асосий ставкани йиллик 14 фоиз, ўзгаришсиз қолдириш бўйича қарор қабул қилди. Сентябрь, июль ва июндаги йиғилишлардан фарқли равишда бу сафар регуятор валюта бозори ва валюта курси ўзгаришларига алоҳида тўхталмаган. Лекин асосий савдо ҳамкорларидаги алмашув курсларининг жорий динамикасидаги вазият сўмнинг реал самарали алмашув курси мустаҳкамланишига босимларни кучайтираётгани қайд этилган. Инфляциянинг тезлашиши маҳсулот таклифидаги ўзгаришлар ва инфляцион талаб омиллари билан изоҳланган. Регулятор янгиланган прогнозларда ҳам инфляцияни прогноз коридорида бўлишини кутмоқда.