Овқат келтириш ва савдо дўконларидан харид буюртма бераётганлар кейинги 2-3 кун ичида етказиб бериш вақти анча тезлашганини ва баъзида хизмат тўлови арзонлашиб бораётганини айтишмоқда. Албатта бу ҳеч қандай статистикага асосланмаган кузатувлар ва тор доирадаги сўровлар натижаси холос.
Шундай бўлган тақдирда ҳам, етказиб бериш хизматларининг буюртмани келтириш вақти тезлашаётгани икки ҳолатда юз бериши мумкин.
Ё етказиб берувчилар сони ортган, лекин бу мумкин эмас, чунки 9 апрелдан бошлаб янги стикерлар бериш бутунлай тўхтатилди.
Ёки етказиб бериш хизмати билан боғлиқ буюртмалар сони камайишни бошлаган. Мана шу иккинчи сабаб кўпроқ эҳтимолга эга. Чунки карантиннинг тўртинчи ҳафтасига келиб аҳолининг аксар ўртаҳол қатламларида ҳам пул захиралари, ҳар эҳтимолга қарши йиғилган жамғармалар тугаб битмоқда. Табиийки охирги маблағларни бебилиска чайиш эмас, тежаб-тергаб ишлатишга зарурият кучаймоқда.
Ўзимиздан қўшиб яна айтамизки, қолган маблағларингизни карантин яна неча кун давом этади, деб ҳисобласангиз, шунча кунга бўлиб мўлжал олинг. Ортиғини ишлатманг.
@the_bakiroo