Нарх қимматлаган, вақти чўзилган — пулхўрлар учун товонни ҳаммамиз тўлай бошладик Муҳримбой буюртма ва етказиб бериш хизматлари вақти чўзилиб кетганини ёзган истеъмолчининг мулоҳазалари билан бўлишмоқда. Ҳа, гарчи пулхўр қоидалар бугундан кучга кирган бўлсада, унинг таъсири охирги бир ҳафтада сезила бошлаган. Хусусан, агрегаторларда шу пайтгача бепул етказиб бериш таклифлари қолмаган, ҳаммаси пулли бўлган. Агрегаторларнинг сервис нархлари ўртача 1,5 карра ошган. Етказиб беришнинг минимал нархлари 2 каррагача ошган, шкала узайган. Буларнинг ҳаммаси инфляция (статқўм инобатга олиб, ҳисоботга қўшармикан?) Етказиб бериш вақтлари қўшимча 15 минутдан 30 минутгача чўзилган. Скутер ва мопедлардан келувчи курьерлар ўрнини яна 3-4 йил аввалгидек, автомобилларда ташувчилар эгаллай бошлаган (пробкалар янада ошишига зўр ҳисса қўшдингиз). Энг қизиғи, шунча пайтдан бери биронта агрегатор чиқиб пулхўрларга эътироз билдира олгани йўқ, уларга нима, зиённи агрегаторлар тўламаяптику. "Уларга ўзбекларнинг Россияга мардикорчиликка кетиш-кетмаслиги, талаба контрактини энди тўлай оладими-йўқми, қизиқ эмас. “Ейишга нонингиз бўлмаса, пирожний енг” дейдиган тоифа улар. Пулини ишласа бўлди. Пул, пул, пул!", - деб ёзмоқда Муҳримбой. Товонни нафақат курьерлар миллионлаб харажатлар билан тўламоқда, биз бутун истеъмолчилар ҳам ҳар куни тўлашни бошладик. Пулхўрларнинг курьерларгагина эмас, бутун ўзбекистонликларга, нарх-наво потираб ошишига, инфляцияга, вулканизацияга — ҳаммасига тупуриб қўйган жойи бор. Ўзбекистонга 1 триллион зиён етказиб бўлса ҳам чўнтагига 100 миллиард тушириб олса кифоя.