Сезилган инфляция рекорд даражада пасайтирилган Ноябрь ойидаги сўровларда бу бўйича кузатувлар бошлагандан буён энг паст даражада, ўртача 12,7%лик инфляция сезилганлиги қайд этилмоқда. Ой давомида инфляция сезилармалари бирданига 0,7 фоиз бандига пасайтирилган. Ҳар ойда инфляция бўйича маълумотлар мундарижасидан ниманидир чеканкалашни анъанага айлантирган Марказий банк бу сафар тадбиркорларнинг инфляция сезилмалари бўйича жавобларини очиқламаган. Ўзи умумий картинани тушунишга ёрдам берадиган ёки унга мос тушмайдиган ахборотларни тушириб қолдириш ёки эълон қилмай қўя қолиш одатий методичкага айланиб бўлди. Сўровномадаги эътиборли жиҳатлар: Умумий кутилмалар кескин пасайтирилганига қарамай, Пенсионерларнинг сезган инфляцияси 13,5%дан 14,5%гача кўтарилган. АТ ва ОАВ соҳасидагилар сезган инфляция эса 15,8%дан 12,8%гача пасайтирилган. Бундан ташқари савдо, кафе-ресторан соҳасида ва ҳатто талабалар ҳам ўзлари сезган инфляцияни кескин пасайтириб кўрсатишган. Сўровномага ишонилса, бензин ва ёқилғи, нон ва ун, гўшт ва сут нархларида ўсиш юз берди, деб ҳисобловчилар октябрга нисбатан кескин камайиб кетган. Тошкент шаҳрида сезилган инфляция энг юқори, 15,0% даражасида қолмоқда.