Расмий инфляция чиновниклар кўзини қувонтираётган бўлса, сезилган инфляция бой-у камбағал, ҳаммани қоқиштираяпти Бой-у камбағал, барча аҳоли қатламларининг сезган инфляцияси декабрда ноябрга нисбатан ё кескин ошган ёки баланд даражада қолган. Хусусан, 15 млн.сўмдан кўп даромад эгалари сезган инфляция 15,2%дан 18,0%гача кўтарилган. Бу расмий инфляция кўрсаткичидан (8,77%) 2 баробардан кўпга юқори. Ҳудудлар орасида ҳалиям Тошкент инфляциядан кўпроқ азоб тортмоқда. Декабрда Тошкентда 16,2% инфляция сезилган, бу ноябрь кўрсаткичидан 1,2 фоиз бандига кўпроқ. Бутун Ўзбекистон бўйича ўртача сезилган инфляция 13,1% (+0,4%)ни ташкил этган. Ўзбекистонликлар декабрда энг кўп бензин ва ёқилғи (47% сўралганлар), мева-сабзавотлар (40%), гўшт ва сут (39%), тухум (32%) нархлари ўсганидан нолишган. Бундай картина ҳукумат аъзоларини ажаблантириши мумкин. Чунки маълумот учун, расмий статистикага кўра, декабрда тухум ва гўшт арзонлаган. "Кин-дза-дза" фильмида "ҳукумат бошқа сайёрада яшайди, азизим" деган қаҳрамон нимани назарда тутган? Гравицапаними? Ё Инфляцияни?