Тадбиркорларнинг сони ва сифати ортиши учун яна бир лойиҳа Сўнгги йилларнинг энг катта ютуқларидан бири тадбиркорлик йўналиши янги босқичга кўтарилгани бўлди. Ишбилармонлар анча эмин-эркин фаолият юритиб, бизнесини кенгайтириш йўлидан бордилар. Натижада бу соҳага қизиқаётган ёшлар, хотин-қизлар сони кўпайди. Мен ҳақиқий ватанпарвар деганда қонунга риоя қилган ҳолда ишлаб, шу жумладан бизнесини ривожлантираётган, қўшилган қиймат яратаётган одамларни тушунаман. Шундай одамларнинг сони ортиши ва тадбиркорлик соҳасининг тарғиботи йўлида Савдо-саноат палатаси янги лойиҳага қўл урибди. Палатага кўра, тез кунда Ўзбекистон миллий телерадиокомпанияси билан ҳамкорликда яратилган янги теледастур – “ТАДБИРКОРЛИК –ТАҚДИРИМДА” туркум кўрсатувлари эфир юзини кўрар экан. Эндиликда мамлакат ижтимоий-иқтисодий ҳаётида муҳим ўрин тутадиган бизнес вакилларининг ҳикояси “Ўзбекистон 24” телеканали орқали янграб боради.