Статагентлик Kia, Haval ва Exeed'ни ҳам Ўзбекистонда ишлаб чиқарилаётган автомобиллар қаторига қўшмоқда Декабрь статистикасида 15 036 дона Kia, 134 дона Haval ва 91 дона Exeed брендидаги автомобиллар Ўзбекистонда ишлаб чиқарилган автомобиллар қаторига қўшилган. Қизиқ тарафи, статагентлик мазкур брендларнинг русумлари қирқимида маълумот келтирмаган. Маълумот учун, айни дамда Kia 11та, Haval 3та, Exeed 2та русумдаги енгил автомобилларни сотади. Аввалроқ агентлик Хитойнинг Chery Automobile компаниясида ишлаб чиқарилган автомобилларни статистикага қўшишни бошлаганди. Саналган брендларга тегишли автомобиллар импорт қилиниб ёки SKD типида йиғилиб сотилади. Уларни қайси методология бўйича "Ўзбекистонда ишлаб чиқарилган" дея статистикага қўшилаётганига ойдинлик киритилмаган.