Енгил автомобиль ишлаб чиқариш ошган, лекин навбатлар сўрилиши учун бу асло етарли эмас Расмий статистикага кўра, январь ойида 14046 дона енгил автомобиль ишлаб чиқарилган. Бу ўтган йилнинг январига солиштирганда 2,68 баробар кўп. Лекин ҳисобга олиш керакки, 2021 йил январида автомобиль заводи таътилда бўлган. Хурсанд бўлишга яна бир сабаб билан шошилмаслик керакки, енгил автомобиль ишлаб чиқариш ҳажми пандемиягача бўлган 2020 йил январь кўрсаткичларидан 57%га орқада. Эслатиб ўтамиз, 2020 йил январда навбатлар узунлиги 2 ойгача бўлган. 2020 йил кўрсаткичларидан Кобальт ишлаб чиқариш 50%га, Нексия-3 ишлаб чиқариш 8,3 баробарга, Дамас ишлаб чиқариш 9,2%га, Ласетти ишлаб чиқариш 2,9%га, Спарк ишлаб чиқариш 7,2 баробарга ортда қолмоқда. Демак, 1 майгача навбатларга барҳам берилиши вазифаси бажарилиши учун, аввал 2020 йил кўрсаткичларига етиб олиш ва кейин суръатни яна камида 16-20%га ошириш керак бўлади. @the_bakiroo