Автомобилларни сақлаш ҳашаматга айланиши керак Автомобиль бу оддий истеъмол маҳсулоти. Биз бу матаҳни бойлик белгиси, мақтаниш, ижтимоий мақом объектига айлантириб юборганмиз. Яъни автомобиль аллақачон ҳашамат. Эндиги вазифа уни сақлашни ҳашаматга айлантириш. Автомобиль эгаси уни сақлаш, суғурта қилиш, парковкалаш учун қиммат тўлаши керак. Керак бўлса, айтайлик, 200 миллион сўмдан қиммат машиналар учун мулк солиғи қайтарилиши зарур. Ва албатта, бу ишларнинг ҳеч бири автомобиль сотиб олиш танловини заррача камайтирмаслиги, кенгайтириш ва осонлаштиришни истисно этмаслиги зарур.