Олиб-сотар мошинфурушларга солиқ солишнинг ўзи муаммонинг ечими эмас Ўзбекистонда йилига иккитадан кўп мошина сотадиган жисмоний шахсларни декларациялаш орқали солиққа тортиш режалаштирилаётгани айтилмоқда. Албатта, бу спекуляцияга қарши тўғри қадам бўлган бўларди, агарки, биринчи чора ўлароқ, бож режимини юмшатишда давом этиш билан таклифни кўпайтириш, иккинчи чора ўлароқ дефицитли бозор ва UzAuto Motors прейскурант нархлари ўртасида шаклланган катта фарқни ҳисобга олиб нархларни юқорироқ фоизда ошириш ва монополист компания бундан буёғига яширин имтиёзлардан воз кечиб барча солиқ ва йиғимларни тўлашга ўтиш юз берганида. Афсуски, ҳукуматимиз учун автомобиль бозоридаги муаммонинг ечими эмас, қўшимча солиқ ундириш устуворроқ ҳисоблаётган кўринади.