Айни пайтда Тошкент шаҳрида Тадбиркорлик субъектларининг барқарорлик рейтинги бўйича кенг тушунча бериш учун семинар-тренинг олиб борилмоқда. Унда Савдо-саноат палатаси раиси Даврон Вахабов, Солиқ қўмитаси раиси Шерзод Кудбиев ва Президент ҳузуридаги Тадбиркорлар ҳуқуқ ва манфаатларини ҳимоя қилиш бўйича вакил Дилмурод Қосимов қатнашмоқда. Биринчи раҳбарларнинг шахсан ўзлари тадбиркорлар ва жамоатчиликка янги тартибни тушунтиришяти, ҳисобот беришяпти. Бу албатта эътиборга лойиқ. Бу тизим ҳақида аниқ тушунчага эга бўлиш имконини беради. Бугунги давра суҳбатида Ўзбекистонда бошланган ислоҳотлар ва ўзгаришларга бефарқ бўлмай, ташаббус кўрсатиб келаётган тадбиркорларнинг 300 нафардан ортиғи иштирок этмоқда. Улар 2023 йилда жами 2,5 млрд АҚШ доллар қийматидаги маҳсулот экспортини амалга оширган бўлиб, қарийб 205 мингдан ортиқ аҳолини иш билан таъминлаган. Мазкур тадбирни онлайн кузатиш учун ушбу ҳаволага ўтинг.