❗️ Ижтимоий ҳимоя миллий агентлиги барча маълумотлар рақамлаштирилган шафоф тизим – “IHMA Sanatoriya” модулини ишга тушираётган экан. Ҳозир Республика бўйлаб Ижтимоий ҳимоя миллий агентлиги ҳузуридаги кексалар ва ногиронлиги бўлган шахслар учун санаторийларни бир вақтдаги қабул қуввати 1722 нафарни ташкил этади. Энди бу рақамни 1863га етказиш кўзда тутилган. Бу ўз навбатида, санаторийларнинг йиллик қуввати 51 660 дан 55 000 нафарга ошишини таъминлайди. Айни пайтда навбатда турган шахслар умумий сони 353 000 дан зиёд экан. Демак, ҳозир санаторийлар ҳамма навбатда турган фуқароларни қабул қилишга имконияти йўқ. Шунинг учун биринчи навбатда эҳтиёжманд уруш ногиронлари ва қатнашчилари, ёлғиз кексалар ўйлангани – энг тўғри ечим.