Энергетика учун навбатдаги синов, қишлоқ хўжалиги учун сезиларли йўқотишлар 18-19 февраль кунлари мамлакатнинг катта қисмида тунда ҳаво харорати -3 -8 даражагача совуққа, шимолда эса 17-18 февралда -13 -16 даражагача совуққа пасайиши энергетикларимиз учун навбатдаги синов бўлади. Электр энергияси ва газ таъминотининг бардошлилиги декабрь ва январдаги бир неча кунлик совуқлардан кейин яна стресс-тестдан ўтади. Лекин келаётган совуқ оқимнинг энг катта хавотирлари қишлоқ хўжалиги билан боғлиқ. Мамлакатнинг катта қисмида мевали дарахтлар аллақачон уйғониб, куртак отиб, айрим жойларда гуллаб бўлди. Тажрибали фермер ва боғбонлар эрта уйғонишни кимёвий йўл билан тўхтатишга уринишди. Лекин муваффақиятли кейслар ҳақида маълумотлар тарқагани йўқ. Экспортимизга ва даромадларга зиёни сезиларли бўлишини инобатга олиш керак бўлади. Борган сари иқлим ўзгаришларини чўнтагимизда ҳис қилиб бораверамиз.