Coscom МЧЖ (Ucell) уяли алоқа компаниясининг солиқ юки ҳақидаги пост бўйича изоҳи: Coscom МЧЖ томонидан мамлакатда телекоммуникация соҳасини ривожлантириш учун 157 млн АҚШ доллари миқдорида инвестиция киритилган. Айнан соҳага киритилган инвестициялар туфайли компания инвестор сифатида айрим турдаги преференция ва имтиёзларни қўлга киритади. Хусусан, Ўзбекистон Республикаси Солиқ кодексининг 266 - моддаси 1 - қисми 3 - бандига кўра, телекоммуникация воситаларини олиб киришда Ўзбекистон Республикаси божхона органлари орқали қўшилган қиймат солиғини тўлаш инвесторларга давлат бюджетига тўланадиган ҚҚСнинг умумий миқдорини камайтириш ҳуқуқини беради. Солиқ кодексининг 255 - моддаси 9 - қисмига мувофиқ, солиқ агенти сифатида ҚҚС тўлаш резидентга бюджет ҳисоб-китобларида ушбу суммани ҳисобга олиш (камайтириш) ҳуқуқини бериши белгилаб қўйилган. Компаниянинг таъкидлашича, Coscom МЧЖ телекоммуникация соҳасини ривожлантириш учун киритган инвестицияси ҳисобига солиқ имтиёзини қўлга киритган.