80 шиптир 55 каррагача зарарли Таркибидаги олтингугурт миқдорига қараб, таснифига кўра 80 шиптир К2 тоифага киритилади. Ушбу тоифадаги бензинда олтингугурт миқдори 1 кг.га 500 миллиграммгача рухсат этилган. Юқори октанли, К5 тоифага киритилган масалан, 95 маркадаги бензинда олтингугурт 1 кг.га 8 миллиграммгача миқдорни ташкил этади. Яъни, норма деб ҳисобланадиган 80 шиптирда олтингугурт миқдори 55 баробаргача юқори бўлади. Соҳа мутахассисларга кўра, бензин ёниши натижасида олтингугурт ҳеч қаерга йўқ бўлмайди ва ҳосил бўлган газлар билан бирга ҳавога чиқарилади. Олтингугурт дарахтлар, ер муҳитига қараб ҳавога аралашади, ҳаводаги кислород билан бирикиб олтингугурт диоксидини ҳосил қилади. Бу модда инсоннинг нафас йўллари, ўпкаси ва жигарига жуда ёмон салбий таъсир кўрсатади (болаларга зиёни йўтал, шамоллаш, ачишиш, кўнгил айниши кўринишида айниқса яққол намоён бўлади). Бензин таркибидаги олтингугуртнинг автомобиль ҳаракат қисмларига темир билан бириккан (феррумсульфид) ҳолда етказадиган зиёни алоҳида мавзу.