Пропискасиз фуқаролар бугуноқ иккиламчи бозордан уй сотиб олишга ҳаққи бор, деб ёзмоқда Хушнудбек ва нега тўсатдан бундай бўлиб қолганини тушунтириб ҳам берган. Потирлаб чиқиб ётган меъёрий ҳужжатлар ва уларнинг уриштирганда қайси бири устуворлиги борасида ажойиб изоҳлар берилган. Лекин Хушнудбек камтарлик қилибми ё ҳуқуқ борасидаги савол билангина чекланибми, бир муҳим иқтисодий вазиятга тўхталиб ўтирмаган. Гап шундаки, айни пайтда ва шу кунларда бирламчи бозормас, иккиламчи бозордан уй-жой сотиб олиш нисбатан афзалроқ бўпқолган. Чунки бирламчи бозордан уй олишга пропискаликлар учун қонун билан белгиланган 5% бож бор, иккиламчига эса 5% бож йўқ. Шунча ўзгаришлар ортида турган қурувчи ва девелопер лоббистларимиз шу ерга келганда сал эътиборсиз қолиб кетишганини қаранг. Энди тезроқ ўша 5% божни бекор қилишмаса, кўп пулдан қуруқ қолишади улар, миллиард-миллиард пуллар Сардоба тўғонини бузиб кетган сув каби уларнинг шундоқ ёнидан оқиб кетмоқда ахир. https://t.me/xushnudbek/5567