Гўшт 1,5%га қимматладими? Расмий статистика июлда ҳам дефляция, 0,3%лик нархлар тушишини қайд этган. Ўтган йилнинг юқорироқ базасига ҳисобига йиллик инфляция 10,5%гача пасайган. Июлда озиқ-овқатлар 1,5%га арзонлашган бўлса, ноозиқ- овқатлар 0,7%га, хизматлар эса 0,5%га қимматлаган. Энг муҳим озиқ-овқатлар гўшт атига 1,5%га қимматлагани кўрсатилган. Балки ўлчов ва кузатувлар 10-20 саналарда амалга оширилгани учун, июлнинг охирги ҳафтасида импорт қилинмаган, маҳаллий гўшт нархларининг кескин, 10-15%гача сакрагани инобатга олинмаган бўлиши мумкин. Мева сабзавотлар орасида карам ва сабзидан бошқа маҳсулотларнинг арзонлашиши давом этган. Ой давомида Бензин 0,7%га арзонлагани, пропан эса 3,8%га қимматлагани қайд этилган (шимолдаги босқинчиларнинг пропани бозорга кириб кела бошлагани нархларни тушириш ўрнига оширмоқда). Дори воситаларининг нархлари ошиши ёзнинг қоқ ўртасида ҳам тўхтагани йўқ (+2,2%). Мактаб ва боғчалар янги ўқув йили олдидан нархларини кўтаргани статистикада акс этмаган. Транспорт нархлари ошишда давом этмоқда, хусусан, темирйўл 2,0%га, ҳаво транспорти эса 0,8%га қимматлаган.