​Июлда пропан ва гўшт юқори даражада қимматлаган Июль ойида нархлари юқори даражада ўсган товар ва хизматлар рўйхатини бодринг (46,0%), карам (11,1%), совуқ сув ва канализация хизмати (9,3%) бошқарган. Шунингдек, истеъмолчилар, айниқса камбағал ва ўртаҳоллар учун ўта сезувчан товарлар ва хизматлардан пропан 6,6%га, чиқинди тўлови 5,6%га, эксплуатация хизматлари 2,6%га, гўшт 2,2%гача қимматлаганини кўриш мумкин. Расман дефляция қайд этилган июлда бензин 0,6%га, дорилар 0,4%га ошган.