​Сувалган реаллик Корпоратив депозитлар билан боғлиқ ставкаларнинг бозорга умуман алоқаси йўқлигини хорижий валютадаги корпоратив депозитлар ставкаларидаги ўзгаришлардан ҳам кўриш мумкин. Июль ойи давомида юридик шахсларнинг муддатли депозитлари ўртача тортилган ставкаси 5,8%дан 2,3 фоиз бандига, 3,5%гача пасайган. Ақлга сиғмайдиган бундай пасайиш, фақат бир ҳолатда — давлат назоратидаги йирик депозиторлардан бири қайсидир давлат банкига ўта паст нархда депозит жойлагандагина юз бериши мумкин. Янаям. аниқ айтсак, тахминан 700 миллион долларлик депозит 2,0% атрофидаги ставкада жойланган. Бу қанчалик абсурд эканини солиштириб тушунишингиз учун, ўтган ойда икки энг йирик давлат банки деярли 9,0%дан еврооблигация жойлаштирди.