БРБни барибир иккинчи Микрокредитбанкка айлантиришади шекилли «Кичик бизнесни узлуксиз қўллаб-қувватлаш» комплекс дастури билан боғлиқ қарорни ўқиб туриб, "мана бўларканку" дейишга шошилманг. Микрокредитлар бўйича таваккалчиликларни ўзаро тақсимлаш бўйича рационал қадамлар ўрнини 8-моддадан бошлаб яна бюрократия тақсимоти эгаллаган. Матн бўйича чиновникнинг қўли шундоқ ярқираб турипти. Биринчидан, Бизнесни ривожлантириш банки кичик бизнесни молиявий қўллаб-қувватлаш борасида асосий таянч банк, деб эълон қилинмоқда. Яъни давлат БРБдан кетмоқчи эмас, худди Микрокредитбанк билан бўлгани сингари "добить" қилиб, мазасини сўриб, кўмишмоқчига ўхшайди. Буям майли. Иккинчидан, БРБнинг давлат олдидаги 300 млн.долларлик қарзини капиталга ва субордга алмаштириб қўйишмоқчи. Солиқ тўловчиларнинг 300 млн.доллари ҳавога учди, деб ҳисоблашингиз мумкин. Ўзбек чиновникларининг чўнтак ўйинчоғига айлантирилган БРБ 2 йилдан бери зарарда ўтирипти. 2 йилда тўпланган зарар 670 млрд.сўмдан ошган. Сиз нима деб ўйлайсиз, солиқ тўловчиларнинг 300 млн.долларини БРБ капиталига киритишгач, БРБни биронта тентак инвестор 100 млн.долларга оладими? Ва ўзи нима учун БРБнинг қарзи капиталга конвертация қимлиниши керак? Балки 300 млн.доллар қарзини тўласа, БРБ банкрот бўлиши мумкинлиги учун эмасми? Ўзбек чиновниклари бу билан ўзларининг охирги йиллардаги зараркунандалигини яна яширишмаяптими? Ўрага сичқон тушди, гулдур гуп. 300 млн.доллар қани? 300 млн.капиталда. Қозон ёпилди. Учинчидан, бу ҳали ҳаммаси эмас. Худди Микрокредитбанк билан бўлгани сингари қарзни капиталга конвертациялаш бозор котировкалари бўйича эмас, номинал қиймат бўлича амалга оширилади. Яъни, 119,25 сўмдан эмас, 88 сўмдан. Барака топгурлар, микрокредитлар бўйича бозорга қараб юрмоқчи бўлипсизлар, БРБни иккинчи Микрокредитбанкка айлантиришга нима ҳожат бор эди? Ундан кўра ёпворган Ўзбекистонга камроқ зиён келтирган бўлмасмиди?