“Компенсация беришсин” Кун ўз Бойсундан навбатдаги репортажни тайёрлаган. Нашр мухбирининг кўрганлари, эшитганлари ҳукуматга яқин сўзчиларнинг ўтган куни узатилган кўзқарашларидан кескин фарқ қилади. Бойсунликлар офатдан жабр кўришда давом этишмоқда, умидсизлик камаймаган, соғлиғи, даромади, кундалик ҳаёт тартибини йўқотганлар компенсация талаб қилишмоқда. Ва бу оператор, пудратчи, бурғуловчи, лойиҳалашгача жараёнларни ўз қўлида жамлаган кипрлик (балки гонконглик ёки швейцариялик) инвестор зудтар бажариши керак бўлган ҳақли талаб. “Мен ҳам шу соҳада ишлаганман. Олтингугурт зарарли газ ҳисобланади, қийналиб ётибмиз. Набираларим шаҳарда, қизимникига кетишган. Мен, бир неварам ва кампирим уйдамиз. Компенсация деган нарса бериш керак". "Брифингда бизга умуман кераксиз нарсани берган: газнинг таркиби, нечанчи йилда ишлар борилгани – бу халққа умуман қизиқ жойи йўқ. Одамлар бизга компенсация бериши керак, дейди. Бу ердаги аҳоли, масалан мен, мактабда ишлаб 1 млн сўм ойлик оламан. 1 млн билан тирикчилик қилиб бўлмайди-ку, ўзларинг биласизлар. Қўшимча чорва билан шуғулланаман". "Компенсация бериши керак-да. Ҳамма зарар кўряпти. Харажатимизни ким кўтаради, тўғрими? 1 сентябрдан бери шундай юрибмиз. Бешта болам бор... Уйга борганимда, ташқарида турган сирли сатилнинг ичида мана шунча (икки бармоғи билан тахминан ярим см қалинликни кўрсатади – таҳр.) олтингугурт турганини кўрдим. Чўкиб қолган. Темир буюмлар усти эса худди мой, солярка сепгандек". "Ҳеч бўлмаса, компенсация пули берсин. Шароитимизга қараб, бош тўловини қилайлик-да, уй олайлик. Ўз хоҳиши билан чиқиб кетаман деганлар кўп, ўшаларга ёрдам берсин йилтиллаб қолган”. "Компенсация берсин, уй-жой қилиб берсин. Қанча киши қийналиб яшаган, қандай қилиб энди қишлоқни ташлаб кетиб, бошқа жойдан уй қилади? Enter компанияси ишлаган ишчиларнинг ойлигини тўласин. Неча ойдан бери ойлик бермайди. Озиқ-овқатини 4 кун ермиз, 5 кун ермиз, кейин майли қотган нонимизни еяверамиз – бизга уй-жой қилиб берсин, қачонгача юрамиз мактабма-мактаб, коллежма-коллеж? Қиш келса, бу ерда яшайверсак, [иситиш учун] гази қани, ўтин қани?". Кўриш учун. Ўқиш учун.