Пропанда юрадиган автомобиллар сони 57%га кўпайган, лекин пропан таклифини янада камайтиришмоқчи Вазир Мирзамаҳмудовга кўра, пропанда юрадиган автомобиллар сони ўтган йилнинг шу даврига нисбатан 57%га ошиб, 495 мингга етган. Вазир ишлаб чиқариш узлуксизлигини таъминлаш учун пропан захираси шакллантира бошлаган ишлаб чиқарувчилар ҳақида ахборот бергани йўқ, лекин нима бўлганда ҳам дефицит юзага келмаслиги учун таклиф камида 1,57 баробар ошиши керак. Лекин амалда нима бўлаяпти. Бутун ёз давомида пропан таклифи ўртача 1500 тоннадан ўртача 1000 тоннагача камайди. Талаб ошгани ҳисобига кунлик таклиф 2 000 тоннадан кам бўлмаслиги керак Буям майли. Энергетика вазирлигининг октябрь-декабрь учун маъмурий тақсимотига кўра, биржага ойига 25,1-26,1 минг тонна пропан чиқарилиши белгиланган. Бу кунига 1 150 тоннадан 1 180 тоннагача пропан дегани. Кўраяпсизки, қишда метан бўлмайди дея, автомобилларига пропан ускунаси қўйганларнинг шўрпешонасига олдинда янада кучлироқ дефицит кутмоқда.