Олтин қимматлашишда давом этмоқда Олтин котировкалари ўтаётган ҳафтада янги рекорд даражага, 2 722 долларгача қимматлади. Олтиннинг қимматлашуви тўхтамаётгани долларнинг мустаҳкамланаётгани ва Қўшма штатлар ғазначилиги қоғозлари даромадлиги ошиши фонида юз бераётгани билан ҳайратлантирмоқда. Айримлар олтиннинг қимматлашувини ҳаммага маълум омиллар билан эмас, номаълумликларнинг вазни юқорилиги билан изоҳлашмоқда. Масалан, Трампнинг эҳтимолий ғалабаси ва бу ҳодиса келтирадиган ноаниқликлар олтин билан боғлиқ "Трамп раллисини" озиқлантираётган бўлиши мумкин.