Депозитлар асосан давлат банкларида кўпайган Сентябрь ойида банклардаги депозитлар қолдиғи 3,8 трлн.сўмга ўсган ва 286,9 трлн.сўмга етган. Шунинг 3,7 трлн.сўм давлат банкларига тўғри келади. Давлат банклари очиқ бозорда эмас, асосан маъмурий тарзда тақсимланадиган корпоратив депозитларни тўплашда давом этишмоқда (бозор ставкаларининг ошишда ва омонатлар сегментига босим ортишда давом этаётгани сабабларидан бири). Ой давомида омонатларнинг ўсиши кескин секинлашган ва чакана депозитлар атига 750 млрд.сўмга ўсган. 17та банкда омонатлар ё қисқарган ёки ўсмаган. Шунга қарамай, онлайн банклар омонатлар қолдиғини фаол ўстиришда давом этишмоқда.