Ўзбек статистикаси: октябрда бензин 1,5%га, пропан 1,2%га қимматлаган, инфляция 0,8%га тушган Ўзбек статистикасига кўра, октябрь ойида 0,8%лик ойлик инфляция қайд этилган. Бу янги дейилган даврда октябрь ойларида кузатилган энг паст инфляция (Охирги 8 йилда октябрь инфляцияси 1,0%дан пастга тушмаганди). Йиллик инфляция 10,2%гача туширилган. Октябрь ойида озиқ-овқатлар 1,1%га, ноозиқ-овқатлар 0,7%га, хизматлар эса 0,8%га қимматлагани кўрсатилган. Ой давомида ёғ 2,3%га, тухум 1,0%га, сут 0,9%га, қўй гўшти 1.2%га, мол гўшти 0.8%га қимматлаган. Бодринг нархи 33,2%га, помидор нархи 16,5%га ошган (бу бўйича Иқтисодиёт ва молия вазирлигининг кузатувлари бу ерда). Энг қизиғи ёқилғи нархлари билан боғлиқ. Статагентликка кўра, октябрда бензин нархи 1,5%га, пропан нархи эса 1,2%га кўтарилган холос. Агентлик бензин ва пропан нархларини қайси ҳудудларда ва қайси шохобчаларда кузатаётгани эълон қилиб қўйса бўларди (ўзбекистонликлар ҳам ўша арзон шохобчалардан ёқилғи олиш имкониятларига эга бўлишлари учун).