Пул массаси 9 ойлик ўсишдан кейин қисқара бошлаган Пул массасининг февралдан бошланган узлуксиз ўсиши ноябрь ойига келиб тўхтаган. Ўтган ойда Кенг маънодаги пул массаси (М2) 2,3 трлн.сўмга камайиб, 262,6 трлн.сўмни ташкил этган. Шундай бўлсада, пул массасининг йиллик ўсиши 30%дан юқори кўрсаткичда қолмоқда. Пул агрегатлари таркибида энг катта қисқариш муомаладаги нақд пуллар ҳисобига тўғри келган. Нақдликлар ноябрда 2,6 трлн.сўмга, 51,4 трлн.сўмгача камайган. Вакиллик ҳисобварақларидаги қолдиқлар бирдан 2 трлн.сўмга, 15,6 трлн.сўмгача қисқаргани эътиборли (15 ойлик минимум).