"Алоқа операторлари томонидан ундириладиган битта SMS ўртача нархи 300 фоизга ошиши ҳам таъсир кўрсатди” Каррасига ошаётган тарифлар учун фақат UzCard ва Humo'ни сўкишга шошмай туринг (албатта, уларниям сўкиш керак). Эътибор берган бўлсангиз керак, Ўзбекистонда биронта уяли алоқа компанияси сизга кирувчи SMS-хабарнома пакетини тақдим этмайди. Ваҳоланки тарифингизда ҳеч қачон ишлатилмайдиган чиқувчи 100та, 500та, 1000та ва чексиз SMS пакетлари бириктирилган бўлса ҳам. Пулли ва кирувчи SMS-хабарномалар бу уяли алоқа компаниялари ва контент провайдерларни абонентларни энг кўп шилиб оладиган сегменти ҳисобланади. Мана қаранг, Play Mobile'нинг ўзи ёзаяпти: "алоқа операторлари томонидан ундириладиган битта SMS ўртача нархи 300 фоизга ошиши ҳам таъсир кўрсатди”. Эртага Humo ҳам хизмат нархини оширса, буям тили бир уяли алоқа компанияларининг босими ва очкўзлиги туфайли бўлади. Тасаввур қилаяпсизми 300%! Яна бу аждарҳоларга 2025 йилдан акциз солиғи бекор қилинган. Бюджетдан буларнинг чўнтагига камида 1,2 трлн.сўм пул қайтиб берилган. Тарифларни яширинча ва тил бириктириб оширишди, буям камлик қилди. Энди кирувчи ва пулли SMS-хабарномаларни каррасига қимматлаштириш орқали бизни қоқиштиришни давом эттиришмоқчи. Ҳар куни, ҳар соатда! Албатта, янги Ўзбекистонда истеъмолчининг ҳимояти йўқ. Истеъмолчиларни ҳимоясига ўтиши керак бўлган органлар эса мақсадли равишда кучсизлантирилган, мустақиллиги ўлдирилган, ўзбекистонликларни талаётган аждарҳо ва қароқчиларга қарши маъмурий ресурссиз қолдирилган, ҳатто овоз чиқаришга ҳам улар заиф. Суд йўқ. Муттаҳам олигархияга қарши истеъмолчи тараф бўлиб чиқиши керак бўлган матбуот овози цензуранинг янги ва янги усуллари қўлланилиб ўчирилган, ўчирилишда давом этмоқда.