Мобил алоқа операторлари томонидан нархларни оширилиши ўрганилмоқда Рақобат қўмитаси мобил алоқа операторлари томонидан кўрсатилаётган хизматлар учун нархларни оширилиши юзасидан  ўрганишлар бошланганлигини маълум қилмоқда. Қўмита томонидан мобил алоқа операторларини нархларни оширилиши асослилигини ўрганиш мақсадида жорий йил ноябрь ойининг бошида тегишли тартибда сўровлар юборилган. Операторлар томонидан рақобатга зид ҳаракатлар, хусусан мувофиқлаштирилган ҳаракатларнинг аломатлари аниқланган тақдирда  ўрнатилган тартибда текшириш ўтказилади ва ушбу ҳолатлар тасдиқланганда амалдаги қонунчиликка мувофиқ қатъий чоралар кўрилиши маълум қилинади. Уяли алоқа операторларига солиқ юки камайтирилганига қарамай, 2024 йилда ҳам, 2025 йилда ҳам бирин-кетин тарифларни оширишда давом этишган (гўёки бу билан уларнинг тил бириктиргани фош бўлиб қолмайдигандек). Истеъмолчилар ҳеч қачон ишлатмайдиган минут, смс ва мбни қўшган ҳолда тарифларни ошириш тийиқсиз операторларнинг асосий методичкасига айланиб қолган. Шунингдек, жорий йил бошида, тўлов тизимлари мобиль компаниялар смс нархини кескин (300%) оширгани туфайли, смс хабар хизматларини оширишга мажбур бўлишган.