​Туркманистондан импортдаги 500 млн.долларлик улкан фарқ яна газ ҳисобигами? Ўзбекистоннинг Туркманистондан товарлар импорти UNcomtrade базаси маълумотларига кўра 1,6 млрд.доллар, Миллий статистика қўмитаси маълумотлари бўйича жами импорт 1,1 млрд.долларни ташкил этмоқда. Миркомил Холбоев 500 млн.долларлик (хизматлар ҳисобига бу кўрсаткич янада катароқ бўлиши мумкин) улкан фарққа эътибор қаратиб, қанақадир изоҳ берилишини сўрамоқда. Импорт таркибига қаралса, 500 млн.долларлик улкан фарқнинг асосий манбаи газ ва бошқа энергетика товарлари ҳисобига бўлиши мумкинлигини кўриш мумкин. Газ импорти билан боғлиқ схемаларнинг ношаффофлиги, импорт дея дастлабки статистикада берилган маълумотларнинг кейинги корректировкасида аслида анча кичик бўлиб чиқиши, импорт газнинг катта қисми ўзимизнинг газ бўлиши мумкинлиги ҳақида аввал жуда кўп тўхталганмиз.