​Хусусий секторда ишга қабул қилиш ва бўшатиш осон бўлиши керак Етарли овоз тўплай олмай қайтган қонун лойиҳаси қанчалик пухта ва чуқур ишланган билмайман (балки Муҳримбой ёзаётганидек, бу аввалбошдан рад этиш учун ёзилгандир), лекин меҳнат бозоримиз, айниқса унинг хусусий секторга оид қисми қорайиб, кулранглашиб, ола-була бўлиб ётипти. Яширин иқтисодиётнинг илдизларини қидириш учун узоққа бормаслик керак. Ўта мобил ва ўзгарувчан бўлган хусусий сектор учун амалдаги Меҳнат кодекси ҳаддан ташқари қаттиқ ва иррационал. Нафақат иш берувчи учун, ёлланма ишчи учун ҳам. Меҳнат бозоридаги иш берувчи ва ишчи ўртасидаги муносабатларни либераллаштириш, меҳнат битимларининг меҳнат стажи яратадиган янги шаклларини тан олиш ва имплементация қилиш пайти аллақачон келган ва бу борада ечимлар чуқур сиёсий ислоҳотларни ҳам талаб этади. Чунки зиддиятларни энди ишламайдиган совок қонунлар эмас, талаб ва таклиф юмшатиши, меҳнаткашлар ортида мустақил профсоюзлар ва мустақил судлар маҳкам туриши керак.