Булоқбошидаги навбатдаги техноген ҳодиса ҳам энергетик объект қурилишига оид Ўзгидромет Жанубий Фарғона канали бош қисмидаги дамба ўпирилиши билан боғлиқ техноген ҳодисанинг келиб чиқиш сабаблари сифатида ушбу каналда қўшимча ГЭС қуриш мақсадида ортиқча сув ташланганини келтирган. Сув тошиш ортидан бирламчи маълумотларга кўра, 560 та хонадонни сув босган. Сув хўжалиги вазирлигига кўра, 2025 йил 8 май куни соат 8:00 ларда Андижон вилоятидан оқиб ўтувчи Жанубий Фарғона магистрал каналининг ПК-194+60 пикетида кичик ГЭС қуриш ишларини олиб бориш жараёнида каналнинг дамбасини сув ювиб кетган. Дарвоқе, Бойсундаги конда навбатдаги авариядан бир кун ўтиб, АЭС қурилиши бўйича энергомаслаҳатчи ва Атом агентлиги раҳбари иштирокида бир пиёла сув устида “мих қоқиш” тадбири ўтказилган (жойлаштириш схемаси тасдиқланган). Қурилаётган энергообъектларда юз берган ва бераётган ҳар бир техноген ҳодиса, “АЭСга йўқ” дейишга, ҳеч бўлмаганда, фуқаролик муносабатини билдиришга ҳуқуқ беради. P.S. 100 га яқин хонадон томорқа ва аҳоли яшаш пунктларини сув босган дея аниқлик киритилмоқда.