Умид борми? Газ қазиб олиш иккинчи ой кетма-кет барқарор қолмоқда Апрель ойида Ўзбекистонда 3 693,8 млн.куб газ қазиб олинган. Бу ўтган йилнинг апрелига нисбатан 13,1 млн.куб кўпроқ дегани. Март ойида қарийб 3,5 йил давом этган газ қазиб олишнинг қисқариши тўхтаган эди. Апрелда кунлаб исиб, газ берила бошлаган GTL завод ишга тушиб, дизель ишлаб чиқариш сезиларли даражада 143,5 минг тоннагача ошган (+62,9 минг тонна). Электр ишлаб чиқариш ҳам 7 372,5 млн.кВт.соатгача кўпайган (+1 315,2 млн.кВт.соат). Генерация ўсиши янги станциялар ва қувватлар ҳисобидан бўлмоқда. Шу билан бирга, нефть (53,5 минг тонна, - 8,7 минг тонна), газ конденсати (98,6 минг тонна, -6,7 минг тонна) қазиб олиш, бензин ишлаб чиқариш (85,7 минг тонна, -17,8 минг тонна) тубга қараб қулашдан тўхтамаган. Апрелда саноат ишлаб чиқариш ўсиши 6,3%гача (-0,2%) секинлашган. Сирдарё саноат ишлаб чиқариш қисқаришда давом этаётган ягона ҳудуд бўлиб қолмоқда.