3 йил-у 5 ой давом этган газ қазиб олишнинг узлуксиз қулаши мартда тўхтаган 2025 йилнинг март ойида 3 946,6 млн.куб газ қазиб олинган. Бу ўтган йилнинг мартига нисбатан 7,1 млн.куб кўпроқ дегани. Шундай қилиб, 2021 йил ноябрь ойида бошланган газ қазиб олишнинг узлуксиз камайиши қарийб 3,5 йил деганда ўтган ойда тўхтаган (йиллик ҳисобда қисқариш тўхтамаган). Кейинги ойларда ҳам ушбу тенденция сақланадими ё йўқ, аниқ айтиш қийин, чунки 2024 йил йил март ойида қулаш жуда чуқур бўлганди (паст база эффекти). Март ойида яна қишда деярли тўхтаб қолган дизель ёқилғиси ишлаб чиқариш тикланганини таъкидлаш керак: 107,5 минг тонна (+18,8 минг тонна). Ëқилғининг қолган турларида қисқариш давом этмоқда: Нефть 56 минг тонна (-5,6 минг тонна); Бензин 114,9 минг тонна (-4,4 минг тонна); Газ конденсати 104,0 минг тонна (-8,7 минг тонна). Кетма-кет икки ойлик қисқаришдан кейин ўтган ойда электр энергияси генерацияси ошган: 7 527,7 млн.кВт.соат (+426,2 млн.кВт.соат). Генерациянинг ошиши янги станциялар ҳисобига рўй бермоқда. Эски станцияларда ишлаб чиқариш қисқариши тезлашмоқда. Мана шундай энергетик картина фонида саноат ишлаб чиқариш ўсиши физик ҳажмда 6,5%гача тезлашган.