Свет ўчирганлик учун шонли энергетиклар компенсация тўламайди, иш ҳақи кечикса, бизнес синдирувчи компенсация тўлашга мажбур Бизнес вакиллари яна электр ва газ таъминотидан огоҳлантиришсиз ўчиришлардан дод дейишмоқда. Ускуналар ишдан чиқиши, хом-ашё, захираларнинг бузилишидан зарарлар ҳақида гапирилмаган гап қолмади. Ўтган йили ҳам бу муаммо бир неча бор кўтарилган эди, лекин ечим йўқ, ўзгариш йўқ, натижада вазият оғирлашмоқда холос. Абсурд шуки, иш ва хизмат кўрсатиш тўхтаб қолиши натижасида ишчи-ходимларга маош кечикса, йиллик 511% миқдорида компенсация тўлаш керак. Тасаввур қилаяпсизми, қанақа иккиюзламачилик? Зарар етказаётган энергетикларга ҳеч қандай жавобгарлик йўқ, лекин тадбиркорлар ўзларига боғлиқ бўлмаган ҳолда, энергетик узилишлар ортидан иш тўхтаб, ойлик бера олмаса, ишчилари олдида синдирадиган компенсация тўлашга мажбур. Форишлик тадбиркор билан юз берган ҳолат бу кулфат. Лекин шонли энергетиклар ҳар куни етказаётган кулфатнинг биттаси холос.