Пул массаси юқори суръатда ошмоқда Бир ойлик танаффусдан кейин Марказий банк яна Пул агрегатлари ҳисоботини тақдим эта бошлаган. Июнь ойи давомида Кенг маънодаги пул массаси 12,3 трлн.сўмга кенгайиб, 312,5 трлн.сўмга етган. Февралдан буён ошаётган пул массасининг июндаги ўсиши миллий валюта қисми бўйича 10,6 трлн.сўмни ташкил этган. Миллий валютадаги пул массаси қарийб 250 трлн.сўмга яқинлашган. Ой давомида барча пул агрегатлари кенгайишдан тўхтамаган. Хусусан, муомаладаги нақд пул массаси 3,9 трлн.сўмга ошиб, 59,1 трлн.сўмга етган. Марказий банкдан ташқаридаги нақд пуллар 4,1 трлн.сўмга ошган ва 1 июль ҳолатига 70,3 трлн.сўмдан иборат бўлган. Вакиллик ҳисобварақларидан маблағлар бўйича юқори даражада, 22,6 трлн.сўм миқдорида қолдиқ шаклланган.