Нарх оширишга тайёргарлик? Cobalt ишлаб чиқариш учинчи ой кетма-кет қисқармоқда Ўзбекистонда энг оммабоп ва чўнтакбоп ҳисобланган, лекин очиқ контрактация 3 йилдан буён имконсиз бўлган Cobalt ишлаб чиқариш охирги 3 ойда ўтган йилнинг тегишли ойларига нисбатан қисқариб бормоқда. Масалан, 2025 йил июнда 14 198та Cobalt ишлаб чиқарилган бўлса, ўтган йилнинг июнида 15 406та шундай русумдаги автомобиль заводдан чиққан. Худди шунингдек: 2025 йил майда 14 457та, 2024 йил майда 15 838та; 2025 йил апрелда 13 348та, 2024 йил апреда 12 539та Cobalt ишлаб чиқарилган. Умуман олганда, 2025 йилнинг 2-чорагида 2024 йил 2-чорагига солиштирганда Cobalt ишлаб чиқариш 3 698тага камайган. Қўшни Қозоғистонда эркин сотиб олиш мумкин бўлган Cobalt учун Ўзбекистондаги контрактация худди лотореяда ютиш каби, у қўлга киритилгандан кейинги кутиш 6ойдан кўпга чўзилади ёки қиммат вариантлардан фойдаланиш керак, қондирилмаган улкан талабга қарамай, худди охири чириб тугаган Совет иттифоқи ва эски Ўзбекистондаги каби сунъий дефицит йўқ бўлмаган, қайтанга вақти-вақти билан авж олдириб турилади.