​Автомобиль ишлаб чиқариш июлда ҳам қисқарган Июль ойида жами 27 454 дона енгил автомобиль ишлаб чиқарилган. Солиштириш учун, июнь ойида 30 804, май ойида эса 32 029 дона автомобиль ишлаб чиқарилган эди. Энг оммабоп бўлган Cobalt ишлаб чиқариш 11 810тагача тушган. Конвейердан олинди дейилган Lacetti/Gentra'дан яна 202та чиқарилган (очиқ сотувда йўқ ва қолмади дейилган Lacetti айрим хусусий салонларда 200+ млн.сўмдан пайдо бўлган). Tracker ишлаб чиқариш 1 881тагача, салонлар ва омборхоналарда тузланиб, тахланиб ётган Onix ишлаб чиқариш эса 806тагача қисқарган. Ишлаб чиқариш ва таклифнинг қисқартирилиши саналган русумдаги автомобилларнинг иккиламчи бозордаги нархларининг қулашини бироз тўхтатган.