​Июнда оммабоп автомобилларнинг ишлаб чиқарилиши камайган Июнь ойида май ойи билан солиштирганда автомобиль ишлаб чиқариш жами 32 029 донадан 30 804 донагача қисқарган. Ўтган йилнинг июнь ойига (41 344 дона) солиштирганда қисқариш янада кўламлироқ бўлган. Автомобиль ишлаб чиқаришнинг камайиши оммабоп ва нисбатан арзонроқ бўлган Cobalt, Gentra (Lacetti), Damas ва Onix ҳисобига тўғри келган. Иккиламчи бозорни ўзига ягона рақобатчи деб билувчи монополист иккиламчи бозорда нархларнинг қулаётганига нисбатан шундай, таклифни қисқартириш билан реакция кўрсатаётган бўлиши мумкин. Антимонополия органлари бунга нима дейди?