​Гўшт импорти рекорди июлда яна янгиланган Июль ойи давомида Ўзбекистонга жами 81,7 млн.долларлик гўшт маҳсулотлари импорт қилинган (ўтган йилнинг шу даврига нисбатан ўсиш 1,67 карра). Импортнинг 66,2 млн.долларлик қисми мол гўшти ҳиссасига тўғри келади (ўсиш 2 карра). Ҳар икки кўрсаткич янги рекорд ҳисобланади (аввалги рекорд май ойида қайд этилганди). Яна бир жиҳат товуқ гўштининг импорти қисқара бошлаган (ўтган йилнинг тегишли даврига ҳам, июнга нисбатан ҳам). Июлда мол гўшти 4,03 доллардан, қўй гўшти 2,04 доллардан, товуқ гўшти 1,13 доллардан импорт қилинган.