​Июлда гўшт, сут ва ўсимлик ёғи қимматлаганини сезганлар улуши ошган Июль ойи сўровларига кўра, гўшт ва сут нархлари юқори даражада қимматлади, деб ҳисобловчилар улуши бирданига 5 фоиз бандига ошиб, 58%га етган. Шунингдек, ўсимлик ёғи нархи ошганини сезганлар улуши 2 фоиз бандига ошган ва сўралганларларнинг 23%ини ташкил этган. Ой давомида дорилар (дилерликни чўнтак импортчиларга бўйсундираётган тажрибакорларни дуо қилинг), мева-сабзавотлар ва таълим хизматлари нархи қимматлаганини сезганлар улуши кўпайган. Сезилган инфляция 13,3%гача тушган (-0,1%). Айни пайтда пойтахт Тошкентда сезилган инфляция 16,4%га (+0,2%) кўтарилган. 15 млн.сўмдан кўп даромадга эга респондентларнинг сезган инфляцияси кескин, 17,7%гача кўтарилган (+1,2%). Шунингдек, ўртаҳоллар — 4-7 млн.сўм ва камдаромадлилар — 2 млн.сўмгача даромад эгаларининг сезган инфляцияси ҳам кучайган.