​Моккилар ўлди, яшасин чайқовчи монополистлар! Майда рақобатчилар ва моккилар нобож чекловлар ва бюрократик тўсиқлар билан 2024 йил давомида ва 2025 йил бошида ўйиндан чиқарилгач, бўшатилган электромобиль бозори охирги ойларда ўзини маҳаллийлаштирувчи деб атайдиган чайқовчи монополистлар қўлига қолгани ҳақида кўп ёздик. Демак, июль ойида, электромобиллар импорти оз эмас, кўп эмас 10 каррага ошган. Ой давомида умумий қимйати 72,2 млн.долларлик 6 515та электромобиль импорт қилинган. Бу электромобиллар импорти бўйича мутлақо янги рекорд (маълумотлар очиқлана бошлагандан буён ҳали ҳеч бир ойда бунча катта ҳажм ва сонда электромобиль импорт қилинмаган). Бензинли автомобиллар импорти қулашда давом этмоқда, сертификатлашга нисбатан сунъий яратилган тўсиқларни Сенат раиси Танзила Норбоева ҳам кўтарган гибридлар импорти деярли тўхтаган. Лекин электромобиллар билан юз берган методичкадан келиб чиқилса, буям бозордан бегоналар чиқариб юборилгунча холос.