Афғон урушида ўзбекистонликлар мақсадли қурбон қилинган Расмий статистикага кўра, Афғонистонга совет қўшинлари бостириб кирган 1979 йилда СССР аҳолиси 262,4 млн.нафар бўлган, шунинг 15,4 млн.и мустамлака Ўзбекистон ССР ҳисобига тўғри келган. Ўзбекистон ССРнинг Совет Иттифоқи аҳолисидаги улуши 5,8%ни ташкил этган. Афғонистонга босқинда жами 620 минг совет аскари иштирок этган, Ўзбекистон ССРдан 65 минг аскар жалб қилинган. Яъни, урушда қатнашган аскарларнинг 10,5%и ўзбекистонлик бўлган. Афғон урушида расман 14 427 нафар совет ҳарбий хизматчиси ҳалок бўлган, шунинг 1 515 нафари ёки 10,5%и Ўзбекистон ССРдан. Рақамлардан кўраяпсизки, Афғон урушида ўзбекистонликлар аҳоли улушига нисбатан деярли икки карра кўпроқ урушга чақирилган ва икки карра кўп қурбон қилинган. Худди шу каби мақсадли манфур сиёсат советлар вориси мохов империянинг Украинага босқинида Волгабўйи, Олтой ва Сибирь халқларига нисбатан қўлланилмоқда. Бошқирдистон, Татаристон, Тува ва Олтойлик урушда қурбонлар улуши Москва ва Петербурглик оқсуяклардан ўнлаб каррагача ортиқлиги билан фарқланади.