Августда газ қазиб олиш қисқариши кескин тезлашган 6,5 минг метрдан топилган "улкан газ кони" қачон ўзлаштира бошлаши, ҳажми қанча, конга нисбатан ҳуқуқлар кимга тегишли, пудратчиси ким, ҳали айтилгани йўқ, лекин август ойида газ қазиб олиш қулаши ҳаддан ташқари тезлашган. Август ҳисоботига кўра, ой давомида 3,5 млрд.куб газ қазиб олинган (статқўм негадир млрд.куб ўлчовига ўтган), бу ўтган йилнинг августига нисбатан камида 300 млн.куб кам. Йил бошидан буён газ қазиб олиш қисқариш 1,2 млрд.кубга етган. Қулаш чуқурлигини тасаввур қилишингиз учун, ҳали шонли пудратчиларнинг чуқур-чуқур қазишлар кампанияси бошланмаган 2021 йил августда 4,5 куб. газ қазиб олинган эди. Нефть қазиб олиш 55,7 минг тоннагача тушган (-4,6 минг тонна). Қулаш мусобақасида газ конденсати етакчига айланган. Августда қазиб олинган газ конденсати 11,1 минг тоннага, 92,6 минг тоннагача қисқарган. Бензин ишлаб чиқариш 103.3 минг тоннагача (-3,7 минг тонна) камайган. Ўтган йилнинг қуйи базаси ҳисобига дизель ишлаб чиқариш ошгандек (112,9 минг тонна, +26 минг тонна), лекин дизель ишлаб чиқариш ойма-ой қисқаришдан тўхтагани йўқ. Ўтган ойдаги қисқаришдан кейин электр энергияси генерацияси 7 025 кВт.соатгача ортган (+275,7 кВт.соат). Хурсанд қиладигани, электр энергиясининг 35%и янги станцияларда ишлаб чиқарилган (ўтган йили шу даврда 13,4% эди).