Автомобиль ишлаб чиқариш қисқариши давом этмоқда: Cobalt'дан Onix'гача Август ойида 15 846 дона Cobalt ишлаб чиқарилган, бу ўтган йилнинг августига нисбатан 1 448 дона кам. Йилнинг тегишли даврига нисбатан қисқариш бешинчи ой кетма-кет давом этмоқда. Ўзбеклар учун яна бир нонтопар мошин Damas'нинг қисқариши иккинчи ойга чўзилмоқда. Августда Damas ишлаб чиқариш 4 366тага, 6 295 донагача қисқарган. Харидори ва бозорини топмаган Onix ишлаб чиқариш 2 баробардан кўпга 1 507 донагача қисқарган (-1 862). Onix сотилиши учун монополист ваъдасида туриб, 9 минг доллардан сотишни бошлаши керак. Ўтган ойда Tracker ишлаб чиқариш 3 445 донагача тушган (-631). Расмий статистика ишлаб чиқарилган автомобиллар рўйхатига KIA, BYD (қайси моделлари экани номаълум), Chery, Haval, Tank 500 кабиларни ҳам қўшмоқда. Лекин бу автомобилларни "Ўзбекистонда ишлаб чиқарилган" дейишга қандай мезонлар бор? Чайқовчи импортчиларнинг ёпиқ қарорлар билан бож тўламасдан ёки "запчасть" кўринишида олиб кириб сотаётган автомобиль ва электромобилларини статистикага киритмаслик тўғри бўларди. Хитойда чиққан Malibu ёки АҚШдан самолетда келтирилаётган Tahoe ёлғон протоколларда "маҳаллий" дейилгани билан Ўзбекистонда ишлаб чиқарилган авто сифатида статистикага қўшилмаяптику!