Адолат тўкислиги учун “Суюнчи пули” тикланадими? Бир ярим йил аввал иккинчи ва ундан кейин туғилган фарзандларга халқда “суюнчи пули” аталмиш бир марталик ижтимоий тўловни тўлаш чекланган эди. Болаларни туғилиш сонига қараб дискриминация қилишдан тежалган сумма кўп эмас, йилига 350 млрд.сўм атрофида. Масалан, криминал рейтинг етакчилигини ҳеч кимга бермаётган ҳоким ёрдамчиларига жорий йилда 430 млрд.сўм ажратилган. Бюджет мундарижасини кўрсангиз, бундай бебилиска харажатлар тиқилиб ётипти. Амалдорларни маҳаллий малибуга ўтказишдан, 3 карра қимматлаштирилган кўприкларгача - саноқсиз самарасиз харажатларни-ку гапирмасаям бўлади. Шундай экан, йўли осон. Биттагина хатони тўғирлаш кифоя - адолат тўкислиги қарор топади.