Хитой бозорида сифатли маҳсулотларга талаб ортиб бормоқда Сўнгги йилларда дунё савдо йўналишлари кескин ўзгармоқда. Бир пайтлар асосий йўналиш сифатида фақат МДҲ давлатлари қаралган бўлса, бугунги кунда эътибор марказида Хитой турибди. Хитой бозорида талаб шунчалик каттаки, айрим ҳолларда маҳсулот етказилмай туриб харидорлар тайёр туради. Мош, ёнғоқ, қуритилган мевалар ва ҳатто зираворлар — бу ерда юқори баҳоланадиган маҳсулотлар қаторида. Масалан, Хитой, Япония ва Корея бозорларига оддий мош 700 доллар атрофида экспорт қилинади. Агар у маҳсулот сифатли қадоқда, бренд кўринишида таклиф этилса, нархи 2000 долларгача етиши мумкин. Шу билан бирга, воситачилар орқали экспорт қилинган маҳсулот учун 34% гача божхона тўлови белгиланган. Аммо тўғридан-тўғри етказиб бериш ҳолатида бу кўрсаткич атиги 11% ни ташкил қилади. Маҳсулотни онлайн платформалар орқали сотиш имконияти эса тадбиркорлар учун янада қулайлик яратмоқда. Хулоса қилиб айтганда, Хитой бозори — имкониятлар майдони. Бу бозорга сифатли маҳсулот билан кирган ҳар қандай ишбилармон ўз фойдасини топиши мумкин.