Эртадан кейин, 23 июль куни Марказий банк Бошқаруви асосий ставкани кўриб чиқиш бўйича навбатдаги асосий йиғилишини ўтказади. Аввалги йиғилиш релизида йиллик инфляция пасайиш тенденциясининг паст даражада сақланиб қолиши йилнинг иккинчи ярмида асосий ставкани пасайтириш учун шароит яратиши мумкинлиги қайд этилганди. Лекин инфляция кўрсаткичлари мавсумий пасайиши кузатилаётгани билан, пессимистик кутилмалар юқорилигича қолмоқда. Карантин чекловлари шароитида ставкани пасайтириш ўсишдан тўхтаган иқтисодиётни жонлантира оладими? Пул бозорида тенденциялар қандай? Апрель ойида ставка пасайтирилишини бозор қабул қилдими? Мақбул фоизлар сиёсатининг дастлабки натижалари қандай? Қисқаси саволлар кўп, прогнозлар эса турлича. Кутамиз. @the_bakiroo