Visa Excellence Cup 2025: Visa мукофотлари Octobank’нинг электрон тўловлар бўйича етакчилигини тасдиқлади Octobank бу йил Visa халқаро тўлов тизимининг икки нуфузли мукофотига сазовор бўлди. Best E-com Acquirer мукофоти Octobank’нинг электрон тижоратдаги етакчи мавқеини яна бир бор тасдиқлади. Бугунги кунда Ўзбекистон бўйлаб 15 мингдан ортиқ компания банкнинг эквайеринг хизматларидан фойдаланади. Бу хизматлар бизнесларга онлайн савдони тез ошириш, янги бозорларга чиқиш ва мижозлар учун қулай ҳамда хавфсиз тўлов тизимини яратишга ёрдам бермоқда. Octobank’нинг иккинчи ғалабаси — Crypto Linked Card Launch — банкнинг криптокарталарни муваффақиятли жорий этгани ва мижозларга рақамли активлардан осон фойдаланиш имконини бергани учун тақдим қилинди. Бу йўналиш банкнинг инновацияларни кундалик молиявий жараёнларга татбиқ этиш борасидаги изчил стратегиясини кўрсатади. Octobank Visa томонидан билдирилган ишонч учун миннатдорлик билдириб, 2026-йилда ҳам мижозлар учун қулай, хавфсиз ва замонавий тўлов ечимларини таклиф этишни давом эттиришини таъкидлайди. Реклама