Энергетиклар энди Олмазор ва Тошкент туманидаги авариялар ҳақида хабар беришни бошлайдими? Вазирлик сўзчиси Дилдора Ҳошимова электр таъминотидаги узилишлар ва улар бўйича етарлича тезкор ва очиқ ахборот берилмаётгани ҳақида ижтимоий тармоқларда келиб тушган эътирозларни инобатга олган ҳолда, шу йўналиши масъули сифатида узр сўраган (қанийди вазир ва унинг ўринбосарлари, тармоқ компаниялари раҳбарларида шундай масъулият ва айбдорлик ҳисси бўлса). Биз танқидни эшитдик, хулоса чиқариб бор имкониятларимизни ишга соламиз, — деб мурожаатини якунлаган Дилдора Ҳошимова.