Ваъда қилинган метан ташийдиган пиар контейнерлар бугун ишга тушадими? Бир ой аввал кўз-кўз қилинган метан ташийдиган пиар контейнерлар вазир Мирзамаҳмудовнинг Парламентда берган ваъдасига ишонилса (2:17:00дан), бугундан тўлиқ ишга тушиши керак. 150та контейнер, ҳар бири камида 9000-9500 куб газни камида 150та метан заправкагасига етказа олса, водийдаги 450та заправканинг талабини учдан бирини қоплай олиши керак. Лекин бу амалда қандай бўлади, яна билмаймиз. Чунки айни дамда нафақат водийда, водийга энг яқин бўлган Сирдарёдаям, Тошкентдаям газ босими пасайиб кетган (ва чекловлар киритилган). Водийдаги метан заправкалар 5-кундирки, ёпиқ қолмоқда. Манбалар Сирдарё ва Тошкентда газ босими бўлмаса, метан контейнерлар Муборак ва Шўртанга ҳам газ учун қатнаши мумкинлигини айтишганди. Лекин бу жараён қанчалар хавфсиз бўлади, Техник тартибга солиш агентлиги ёки ФВВ хулосалари қандай, яна билмаймиз. Тендерсиз, тўғридан-тўғри шартномалар орқали келтирилган метан контейнерлар Ўзбекнефтегаз учун қанчага тушгани ва унинг иқтисодий самараси бўйича ҳам ҳеч қандай расмий маълумот мавжуд эмас (манбаларга кўра, 40-50 миллион долларга тушган).